Tre persona janë arrestuar në Gjilan, nën dyshimin se kanë grabitur një orë dore nga një person.
Rasti ka ndodhur më 7 shtator, rreth orës 16:30, në sheshin e Gjilanit.
“Me datën 09.09.2026 janë arrestuar tre të dyshuar kosovarë, nën dyshimin se të njëjtit me datën e cekur kanë grabitur një orë dore nga viktima mashkull kosovar”, thuhet në raportin e Policisë së Kosovës.
Gjatë kontrollit, njësitet policore tek të dyshuarit kanë gjetur dhe konfiskuar një mjet të mprehtë – brisk, i cili është sekuestruar si dëshmi materiale.
Në konsultim me prokurorin, të dyshuarit pas intervistimit janë liruar dhe rasti do të vazhdojë në procedurë të rregullt.