Tre persona janë të lënduar rëndë pas një aksident trafiku që ka ndodhur sot [e mërkurë] në fshatin Shirokë të Suharekës, në mes një veture dhe një kamioni. Aksidenti ka ndodhur në orën 12:15 në Zonën Industriale në Shirokë.

Këtë e ka konfirmuar për Portalin Dukagjini, zëdhënësi i Policisë së Kosovës për rajonin e Prizrenit, Shaqir Bytyqi.

Bytyqi u shpreh se për tërheqjen e njërit nga të lënduarit ka intervenuar Njësiti i Zjarrfikësve.

“Rreth orës 12:15 e kemi përdorë një aksident trafiku në Zonën Industriale në Shirokë të Suharekës. Në aksident janë të përfshirë një kamion dhe një veturë e udhëtarëve. Si pasojë e aksidentit, tre persona kanë pësuar lëndime të rënda trupore dhe dëme të mëdha material. Kanë intervenuar edhe ekipi i zjarrfikësve për tërheqjen e njërit prej të lënduarve. Të tre të lënduarit gjenden në Spitalin Rajonal në Prizren”, ka thënë Bytyqi.