Çmimi Nobel i këtij viti në fizikë iu dha Alain Aspect, John F. Clauser dhe Anton Zeilinger për punën e tyre në shkencën e informacionit kuantik.

Hans Ellegren, Sekretari i Përgjithshëm i Akademisë Mbretërore Suedeze të Shkencave, shpalli fituesin të martën në Institutin Karolinska në Stokholm.

Java e shpalljeve të çmimeve Nobel filloi të hënën me shkencëtarin suedez Svante Paabo që mori të hënën çmimin në mjekësi për zbulimin e sekreteve të ADN-së së Neandertalit që siguroi njohuri kyçe të sistemit tonë imunitar.

Të mërkurën çmimet ndahen për  kiminë kurse të enjten me letërsinë. Çmimi Nobel i Paqes 2022 do të shpallet të premten dhe çmimi i ekonomisë më 10 tetor.

Vitin e kaluar çmimi iu dha tre shkencëtarëve – Syukuro Manabe, Klaus Hasselmann dhe Giorgio Parisi – puna e të cilëve ka ndihmuar në shpjegimin dhe parashikimin e forcave komplekse të natyrës, duke zgjeruar kështu të kuptuarit tonë për ndryshimin e klimës.

Fituesit e çmimeve Nobel,  kanë vlerë 10 milionë korona suedeze (rreth 900,000 dollarë) dhe do të shpërndahen më 10 dhjetor. Paratë vijnë nga një amanet i lënë nga krijuesi i çmimit, shpikësi suedez Alfred Nobel, i cili vdiq në 1895.