Tre persona kanë mbetur të lënduar si pasojë e një aksidenti trafiku në mes katër veturave në rrugën Prishtinë-Pejë, gjatë pasdites të së enjtes.

Lajmin për Portalin Dukagjini e ka konfirmuar Zëdhënësi i Policisë, Bajram Krasniqi. Ky i fundit ka bërë të ditur se aksidenti ka ndodhur rreth orës 17:00, në fshatin Llapushnik.

“Në ora 17:00, policia është njoftuar për një aksident trafiku të ndodhur në rrugën nacionale Prishtinë-Pejë (fshati Llapushnik). Në aksident janë përfshirë katër automjete. Si pasojë e aksidentit tre persona kanë kërkuar ndihmë mjekësore dhe janë dërguar për tretman mjekësor në QKUK-në”, ka thënë Krasniqi.

Tutje, ai ka njoftuar se në atë pjesë të rrugës qarkullimi po zhvillohet vetëm nëpër shiritin emergjent.