Një aksident trafiku mes dy veturave ka ndodhur në Stapanicë të Klinës, të martën e pesë marsit.
Zëdhënësi i Policisë për Rajonin e Pejës, Fadil Gashi, ka deklaruar për portalin Dukagjini se tre persona kanë pësuar lëndime nga ky aksident.
“Rreth orës 17:45, është raportuar për një aksident trafiku në magjistralen Prishtinë-Pejë, në segmentin në fshatin Stapanicë të Klinës. Në aksident janë përfshirë dy vetura”.
Në vendin e ngjarjes kanë dalë njësitet përkatëse të policisë dhe ambulanca.
“Të lënduarit janë dërguar në Qendrën e Mjekësisë Familjare në Klinë dhe janë jashtë rrezikut për jetën”, ka deklaruar Gashi.