Tre persona kanë mbetur të lënduar si pasojë e një aksidenti të rëndë që ka ndodhur sot në fshatin Gllarevë të Klinës.

Lajmin për Dukagjinin, e ka konfirmuar zëdhënësi i Policisë për rajonin e Pejës, Fadil Gashi.

Sipas tij, aksidenti ndodhi rreth orës 09:06 dhe përfshiu katër vetura.

Lëndimet e të përfshirëve nuk janë kërcënuese për jetën.

Fillimisht, tre të lënduarit u dërguan në Qendrën e Mjekësisë Familjare, ndërsa më pas, me udhëzim të mjekut, u transferuan për trajtim në emergjencën e Spitalit Rajonal të Pejës.

Policia po vazhdon hetimet për shkakun e aksidentit.