Xhudistet e Kosovës kanë shkëlqyer në Kupën Evropiane për juniorë, që u mbajt këtë fundjavë në Shkup, duke fituar tri medalje të rëndësishme.
Laurinë Gashi e rrëmbeu medaljen e artë në kategorinë deri në 52 kilogramë, duke u shpallur kampione e turneut. Në të njëjtën kategori, Sidorela Dodaj fitoi medaljen e bronztë, duke zënë vendin e tretë.
Me medalje bronzi u nderua edhe Enise Zijade në kategorinë deri në 57 kilogramë.
Përveç medaljeve, xhudistet kosovare shënuan edhe paraqitje të mira në disiplinat e tjera, duke u renditur në pozitat e pesta dhe të shtata në disa kategori.
Kupa Evropiane për juniorë është një garë prestigjioze për xhudistët nën moshën 21 vjeç dhe mblodhi në Shkup emra premtues nga e gjithë Evropa.