Donald Trump ka hyrë në sallën e gjyqit në katin e 15-të të godinës së Gjykatave Penale Manhattan.

Gjykimi i tij para gjyqtarit Juan Manuel Merchan, do të fillojë së shpejti.

Ai nuk ka thënë asgjë për mediat e mbledhura teksa ka hyrë në sallë.

Vetëm pesë fotografë do të lejohen në sallën e gjyqit me Donald Trump, përpara seancës dëgjimore dhe vetëm fotografitë e palëvizshme lejohen të bëhen, asnjë video, transmeton CNN.

Ekspertët parashikojnë që takimi i Trump me gjyqtarin të jetë i shkurtër, pasi ai dhe ekipi i tij ligjor tashmë kanë lexuar aktakuzën.

Ai është presidenti i parë amerikan që përballet me akuza penale, transmeton BBC.