Trump-i i kërkon Gjykatës Supreme të ndërhyjë në çështjen e imunitetit

Donald Trump ka bërë një kërkesë për të pezulluar një vendim gjyqësor, që hodhi poshtë pretendimin e tij për imunitet nga ndjekja penale në një rast gjyqësor, ku ai akuzohet për tentativë për të përmbysur humbjen në zgjedhjet e vitit 2020. Ai argumentoi se pa një mburojë të tillë, "presidenca, siç ne e njohim, nuk do të ekzistojë më"

Donald Trump i ka kërkuar Gjykatës Supreme amerikane më 12 shkurt që të pezullojë një vendim gjyqësor, që hodhi poshtë pretendimin e tij se ka imunitet nga ndjekja penale për rastin gjyqësor, ku ai po akuzohet se tentoi të përmbyste humbjen në zgjedhjet e vitit 2020. Ai ka argumentuar se pa një mburojë të tillë, “presidenca, siç ne e njohim, nuk do të ekzistojë më”.

Trump, që po synon të fitojë zgjedhjet presidenciale amerikane të nëntorit, u ka kërkuar gjykatësve që të pauzojnë vendimin e 6 shkurtit, që u mor nga një panel gjyqtarësh të Gjykatës Supreme të Qarkut Kolombia. Paneli prej tre gjyqtarësh hodhi poshtë pretendimin e Trump-it se ai ka imunitet nga përndjekja ligjore.

Avokatët e Trump-it, në kërkesën dorëzuar në Gjykatën Supreme, thanë se “mbajtja e gjyqit penal për muaj të tërë ndaj presidentit Trump në mes të një sezone zgjedhore do të dëmtojë në mënyrë drastike aftësinë e Trump-it për të bërë fushatë” kundër presidentit Joe Biden për zgjedhjet e nëntorit.

Avokatët kërkuan që gjykatësit të pezullojnë procedurat gjyqësore, pasi po kërkojnë që kjo çështje të rishqyrtohet nga një gjykatë në qarkun e Uashingtonit dhe nëse është e nevojshme, më pas të apelohet në Gjykatën Supreme.

Në një gjykatë federale në Uashington ishte paraparë që të niste gjyqi ndaj Trump-it më 4 mars, nën akuzat për përmbysje të rezultatit. Data e nisjes së gjyqit është shtyrë dhe nuk është vendosur një datë e re, shkruan REL.

Trump, që përballet me katër akuzat penale, është ish-presidenti i parë amerikan që ndiqet penalisht. Ai konsiderohet kandidati kryesor për të fituar nominimin e republikanëve për të sfiduar demokratin Biden, në zgjedhjet e nëntorit.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika