Presidenti i Shteteve të Bashkuara të Amerikës, Donald Trump, ka deklaruar se e sheh luftën me Iranin si “shumë afër përfundimit”.
“Mendoj se është afër përfundimit. E shoh si shumë afër përfundimit,” tha Trump në një pjesë të një interviste me Maria Bartiromo të Fox News, shkruan CNN, transmeton Dukagjini.
Trump ka pretenduar vazhdimisht fitore dhe ka parashikuar fundin e luftës që vetëm pak ditë pasi ajo filloi në fund të shkurtit, por luftimet kanë vazhduar.
Më herët të martën, Trump përmendi mundësinë e bisedimeve të reja me Iranin pas negociatave të fundjavës së kaluar në Islamabad, të cilat nuk arritën të prodhonin një marrëveshje, duke i thënë New York Post se “diçka mund të ndodhë” në Pakistan gjatë dy ditëve të ardhshme.
Deri tani, nuk ka plane konkrete të njohura për bisedime.
“Do të shohim çfarë do të ndodhë. Mendoj se (Irani) duan shumë të bëjnë një marrëveshje,” tha Trump.