Presidenti i Shteteve të Bashkuara të Amerikës, Donald Trump, ka mbërritur në stadiumin “MetLife” në New Jersey, ku sonte zhvillohet finalja e Kupës së Botës mes Spanjës dhe Argjentinës.
Trump u shfaq në ekranin gjigant të stadiumit përkrah presidentit të FIFA-s, Gianni Infantino, para fillimit të finales.
Në një prononcim për “Fox Sports”, presidenti amerikan nuk ka dashur të parashikojë fituesin e përballjes, por ka vlerësuar kapitenin e Argjentinës, Lionel Messi.
“Është e vështirë të vësh bast kundër Lionel Messit. Ai është i shkëlqyer”, deklaroi Trump para ndeshjes.
Ai gjithashtu përmendi marrëdhëniet e mira me presidentin e Argjentinës, duke vlerësuar punën e tij, por theksoi se nuk do të zgjedhë favorit për finalen.
Para nisjes së ndeshjes, ceremonia hapëse e finales përfshin edhe performanca muzikore nga artistë ndërkombëtarë, ndërsa avionët luftarakë F-15 kanë realizuar fluturim mbi stadiumin “MetLife”.