Trump për përplasjen e avionit me helikopterin: Duhej të ishte parandaluar
Presidenti amerikan, Donald Trump, ka reaguar pas përplasjes së avionit me një helikopter ushtarak në Uashington, duke thënë se aksidenti duhej të ishte parandaluar. Në një postim në platformën e tij “Truth Social”, Trump ka shkruar se avioni ishte në rrugën e duhur për ulje dhe vuri në dyshim veprimet e helikopterit dhe kontrollit të […]
Presidenti amerikan, Donald Trump, ka reaguar pas përplasjes së avionit me një helikopter ushtarak në Uashington, duke thënë se aksidenti duhej të ishte parandaluar.
Në një postim në platformën e tij “Truth Social”, Trump ka shkruar se avioni ishte në rrugën e duhur për ulje dhe vuri në dyshim veprimet e helikopterit dhe kontrollit të trafikut ajror.
“Aeroplani ishte në linjë të drejt afër për të ateruar në aeroport. Helikopteri po shkonte drejt aeroplanit për disa kohë. Pse helikopteri nuk u kthye, pse kulla e kontrollit nuk i tha helikopterit se çfarë të bënte në vend që t’i pyeste nëse e panë aeroplanin”, ka shkruar Trump.
Trump e cilësoi ngjarjen si një tragjedi që duhej të ishte parandaluar.
“Kjo është një situatë e keqe. Jo mirë!!!”, ka shtuar ai.
Asnjë i mbijetuar, 19 viktima të konfirmuara
Avioni dhe helikopteri u rrëzuan në lumin Potomac pas përplasjes.
Deri tani, ekipet e shpëtimit kanë nxjerrë 19 trupa, ndërsa nuk ka raportime për të mbijetuar.
Në avion ndodheshin 64 pasagjerë, ndërsa në helikopter tre pjesëtarë të personelit ushtarak.
Operacionet e kërkimit vazhdojnë.















