Presidenti i SHBA-së, Donald Trump, ka bërë kritika të ashpra ndaj Bashkimit Evropian dhe liderëve të tij, në një intervistë të publikuar nga Politico.
Ai e përshkroi Evropën si një “grup shtetesh në kalbje”, të udhëhequr – sipas tij – nga politikanë “të dobët”.
“Mendoj se janë të dobët”, tha Trump, duke i akuzuar liderët evropianë për “politikisht korrekt” dhe të paaftë për t’u përballur me sfidat në kontinent.
“Nuk e dinë çfarë të bëjnë. Evropa nuk e di çfarë të bëjë”, shtoi ai.
Trump vlerësoi Hungarinë dhe Poloninë për qasjen e tyre ndaj migracionit, ndërsa kritikoi pjesën tjetër të Evropës për, siç u shpreh, lejimin e personave “të pa verifikuar dhe të pa kontrolluar” të hyjnë në territorin e saj.
Ai përsëriti se është i gatshëm të mbështesë publikisht liderë evropianë në zgjedhjet e tyre kombëtare, duke përmendur se tashmë ka dhënë përkrahje për kryeministrin hungarez Viktor Orban, pavarësisht kundërshtimeve në Evropë./TheGuardian