Autoritetet turke kanë njoftuar se kanë kryer një numër sulmesh ajrore ndaj rebelëve kurdë në veri të Irakut.
Kjo, disa orë pasi një shpërthim vetëvrasës goditi objektin e Ministrisë së Brendshme në Ankara.
Siç raporton BBC, sipas Qeverisë së Turqisë, janë shkatërruar 20 objektiva dhe shumë militantë nga grupi rebel “u neutralizuan”.
Nga hetimet e para është thënë se sulmi në mëngjesin e së dielës u krye nga një anëtar kurd që hodhi veten në erë, ndërsa sulmuesi i dytë u vra nga policia.
Në këtë sulm me bombë dy policë mbetën të lënduar.
Shpërthimi në bulevardin Ataturk ndodhi disa orë përpara se parlamenti të mblidhej sërish pas një pushimi veror.
Në fjalimin e tij në hapjen e parlamentit, Presidenti Rexhep Tajip Erdogan e përshkroi sulmin si “fluturimet e fundit të terrorizmit”.
“Njerëzit e poshtër që synuan paqen dhe sigurinë e qytetarëve tanë nuk ia arritën qëllimit dhe nuk do ta arrijnë kurrë,” tha ai.