Procesi që kishte filluar nën udhëheqjen e presidentit të Turqisë për të rritur vlerën e markës së Turqisë duhej të shkonte drejt finalizimit.
Në letrën që i është dërguar Sekretarit të Përgjithshëm të OKB-së, António Guterres, ministri i jashtëm i Turqisë Mevlut Cavusoglu shkroi: “Dëshiroj t’ju informoj se, në përputhje me Qarkoren Presidenciale … të datës 2 dhjetor 2021, mbi përdorimin e fjalës “Türkiye” në gjuhët e huaja, Qeveria e Republikës së Turqisë, tani e tutje do të fillojë të përdorë ‘Türkiye’ për të zëvendësuar fjalët si ‘Turkey’, ‘Turkei’ dhe ‘Turquie’ që janë përdorur në të kaluarën për t’iu referuar “Republika e Turqisë”.
Ülkemizin marka değerini yükseltmek için Sayın Cumhurbaşkanımız @RTErdogan liderliğinde başlattığımız süreç nihayete eriyor.
BM Genel Sekreteri'ne bugün gönderdiğim mektupla ülkemizin BM nezdinde yabancı dillerdeki adını da "Türkiye" olarak tescil ediyoruz.
Hayırlı olsun! 🇹🇷 pic.twitter.com/Zd9UIv2eVy
— Mevlüt Çavuşoğlu (@MevlutCavusoglu) May 31, 2022
Zëdhënësi i OKB-së Stephane Dujarric, ka thënë për CNN të enjten se OKB-ja e pranoi ndryshimin dhe ai hyri në fuqi sapo morën kërkesën dhe u siguruan që dokumenti të ishte legjitim.
“Nuk është një çështje, nuk na takon ne të pranojmë apo të mos pranojmë”, tha Dujarric. “Vendet janë të lira të zgjedhin mënyrën që duan të emërtohen. Kjo nuk ndodh çdo ditë, por nuk është e pazakontë që vendet të ndryshojnë emrat e tyre.”
Ministri i Jashtëm Cavusoglu, ka thënë për agjencinë shtetërore të lajmeve Anadolu, se duke punuar me Drejtorinë e Komunikimeve të Turqisë, e cila është e lidhur me zyrën e Presidentit, qeveria vendosi me sukses bazat për riemërtim.