Në rrugën “Besa-besë” ishin duke lëvizur së bashku, kur ndaj tyre u shkrepën plumbat. Nënë e bijë mbetën të plagosura nga një person i tretë. E kur kanë kaluar 24 orë nga rasti, arsyet ende mbetën të panjohura.
I dyshuari për plagosjen në Fushë-Kosovë u lokalizua nga policia, por mbeti i vdekur pas shkëmbimit të zjarrit.
Të plagosurat M.A dhe F.G i janë nënshtruar operacionit dhe po vazhdojnë të trajtohen në QKUK.
Driton Parduzi, kirurg ka thënë se “(44 vjeçarja) Kjo është ekstobu në sallë të operacionit është transferi më repart tek ne është duke u mjekuar, gjendja e përgjithshme e dy pacienteve është e përmirësuar. Ndërsa pacienta tjetër e moshës 64 vjeçare ka një gjendje të përgjithshme më të rëndë por në krahasim me gjendjen me të cilën ka ardhë në emergjencë është dukshëm më mirë”.
Lidhur me rastin, për disa vepra penale hetimet kanë nisur edhe nga Prokuroria.
Prokuroria Themelore në Prishtinë ka thënë se “Rastit te cilit i referoheni ju njoftojmë se Prokurori i Shtetit ka iniciuar hetime në drejtim të veprave penale “Vrasja e rendë në tentative” dhe “Armëmbajtje pa leje”, si dhe në koordinim me Policinë janë duke u marrë veprimet e nevojshme hetimore”.
Përkundër se nuk dihen motivet që quan në plagosjen e dy grave, aktiviste nga shoqëria civile thonë se një pjesë të fajit në mos-parandalimin e këtyre rasteve e kanë institucionet.
Fjolla Muçaj, aktiviste për të drejtat e grave ka thënë se”Rasti i hedhjes posht të aktakuzës për rastin e 11 vjeçarës dhe kthimi i saj në ri-gjykim po tregon një jo-seriozitet ndaj sistemit të drejtisë në përgjithësi, edhe ky nuk është rasti i vetëm. Ne i kemi parë në rastet tjera dënimet më ulëta”.
Përpos që nuk janë bërë të ditura dyshimet për motivet e rastit, nuk dihen as raportet që kishin viktimat me të dyshuarin për këtë rast.