Një person i gjinisë femërore është në gjendje kritike shëndetësore, pasi e njëjti ishte gjendur i shtrirë në koridor gjersa shtëpia ishte duke u djegur.
Raporti 24-orësh i Policisë së Kosovës bën të ditur se rasti ka ndodhur në Prishtinë, të premten.
“Rr. Rxhep Krasniqi, Prishtinë 13.01.2023 – 00:50. Është raportuar se një shtëpi është duke u djegur, njësitë relevante policore kanë dalë në vendin e ngjarjes dhe konfirmojnë se aty ishte një person i gjinisë femërore i shtrirë në korridor, i cili ishte në gjendje të rëndë shëndetësore dhe është dërguar në QKUK, dhe sipas mjekëve, gjendja e saj është kritike. Deri më tani nuk dihet se si ka ardhur deri te zjarri”, thuhet në raport.
Krahas kësaj, bëhet e ditur se rasti po vazhdon të hetohet.