Një person nga një motoçikletë ka shtënë me armë zjarri drejt një veture në Prishtinë.
Lajmin për Portalin Dukagjini e ka konfirmuar, zëdhënësja e Policisë për rajonin e Prishtinës, Flora Ahmeti.
Sipas Ahmetit, policia ka pranuar informatën për të shtëna armësh në rrugën “Arbnor dhe Astrit Dehari”.
“Bazuar në informacionet e para, janë ngritur dyshimet se një person i dyshuar nga një motoçikletë në lëvizje, ka shtënë me armë zjarri në drejtim të një veture. Nuk raportohet për të lënduar”, ka deklaruar Ahmeti.
Ajo ka bërë të ditur se rasti në fjalë është cilësuar sikurse “Vrasje në tentativë”, dhe se veprimet hetimore janë duke vazhduar.