Të 27 liderët evropianë kanë rënë dakord për një paketë ndihme prej 50 miliardë eurosh për Ukrainën, kështu ka thënë presidenti i Këshillit Evropian, Charles Michel.
“Ne kemi një marrëveshje”, ka shkruar Michel në platformën X, dikur Twitter.
Ai ka thënë se marrëveshja “mbyll një financim të qëndrueshëm, afatgjatë dhe të parashikueshëm për Ukrainën”.
Kishte frikë se kryeministri i Hungarisë, Viktor Orban, do të bllokonte paketën e ndihmës siç kishte bërë tashmë në një samit evropian dhjetorin e kaluar.
Orban kishte thënë se donte të detyronte një rishikim të politikës së BE-së ndaj Ukrainës dhe kishte vënë në pikëpyetje idenë e angazhimit për të financuar Ukrainën për katër vitet e ardhshme.
Burime diplomatike i thanë Reuters se marrëveshja e re përfshin një diskutim vjetor të paketës dhe opsionin për ta rishikuar atë në dy vjet, “nëse nevojitet”.
Orban kishte shtyrë për një votim vjetor mbi paketën, por kishte frikë se kjo do ta kishte lënë marrëveshjen të ekspozuar ndaj një kërcënimi vjetor të vetos nga Hungaria.
“Një ditë e mirë për Evropën”, ka thënë Ursula von der Leyen, presidentja e Komisionit Evropian, në platformën X, raporton BBC.
Presidenti ukrainas , Volodymyr Zelensky, ka thënë se ai ishte “mirënjohës” ndaj liderëve të BE-së, duke theksuar se vendimi u mor nga të 27 liderët.