Udhëheqësit e Bashkimit Evropian po mbajnë një samit dy-ditor të enjten dhe të premtën, në të cilin po shpalosin pikëpamjet e kundërta të tyre.
Në samit temë diskutimi është rritja e çmimit të gazit dhe kriza energjetike e shkaktuar nga pushtimi i Ukrainës nga presidenti Vladimir Putin.
Në hapjen e samitit, presidenti Ukrainas Volodymyr Zelensky, do t’u drejtohet 27 liderëve kombëtarë me video-konferencë nga Kievi, duke kërkuar ndihmë të vazhdueshme që Ukraina të kalojë mirë dimrin. Pra, presidenti ukrainas Zelensky do të adresojë nevojën për unitet të BE-së në përballje me Rusinë, shkruan AP.
Ndërsa, kancelari gjerman Olaf Scholz të enjten ka thënë se Zelensky nuk duhet të ketë shqetësime të tilla, pasi ato nuk do të ndihmojnë Rusinë të fitojë luftën.
“Edhe taktika të tilla të tokës së djegur nuk do ta ndihmojnë Rusinë të fitojë luftën. Ato vetëm sa forcojnë vendosmërinë dhe fuqinë e qëndrimit të Ukrainës dhe partnerëve të saj”, ka thënë ai në Parlamentin në Berlin.
Ky samit në të cilin zhvillohen bisedime të gjata, erdhi pasi çmimet e gazit natyror gjatë verës janë rritur më shumë se asnjëherë më parë.
Megjithatë, Olaf Scholz ka thënë se do të përpiqen të vendosin një kufi të çmimit dhe të bindin vendet që të mos konkurrojnë me njëri-tjetrin, pasi sipas tij kjo po bën që evropianët në fund të mos marrin shumë gaz, por më pak.