Zelensky, Scholz e Sánchez shprehin ngushëllime për viktimat në Teksas

Pas sulmit në shkollën fillore në Teksas ku u vranë 21 persona, ndër ta 19 fëmijë dhe dy të rritur nga 18-vjeçari Salvador Ramos, ngushëllime për familjarët e viktimave kanë shprehur presidenti ukrainas, Volodymyr Zelensky, Kancelari gjerman, Olaf Scholz dhe Kryeministri spanjoll, Pedro Sánchez

Foto e shkollës fillore në Teksas, ku ka ndodhur vrasja e 21 personave

Presidenti ukrainas, Volodymyr Zelensky shprehu ngushëllimet për familjarët dhe të afërmit e fëmijëve që u vranë në shkollën fillore në Uvalde, Teksas, të martën e 24 majit.

“Dëshiroj të shpreh ngushëllimet e mia për të gjithë të afërmit dhe anëtarët e familjes së fëmijëve që u vranë nga të shtënat e tmerrshme në Teksas,” tha Zelensky, duke folur përmes një përkthyesi, përmes videokonferencës në një ngjarje mëngjesi të moderuar nga Fareed Zakaria në Davos, raporton CNN.

Volodymyr Zelensky, presidenti i Ukrainës

Zelensky shtoi se “është e tmerrshme të kesh viktima të të shtënave në kohë paqësore”.

Gjithashtu, edhe Kancelari gjerman, Olaf Scholz dhe Kryeministri spanjoll, Pedro Sánchez shprehën veçmas ngushëllimet e tyre për të shtënat në shkollën e Teksasit .

“Mendimet tona janë me të plagosurit dhe viktimat e kësaj masakre të pakonceptueshme për të cilën vështirë se mund të gjenden fjalë”, ka shkruar Scholz në një postim në Twitter.

Ndërsa, kryeministri spanjoll, Sanchez ndau në Twitter një video të fjalimit emocionues të trajnerit të Golden State Warriors, Steve Kerr.

“Ky tmerr i përditshëm duhet të ndalet në SHBA”, ka shkruar Sanchez në Twitter.

Pas sulmit në Teksas ka reaguar presidentja Osmani

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika