Gjatë javës së kaluar, Federata e Futbollit e Kosovës( FFK) ka kaluar me shumë sukses një proces të rëndësishëm, atë të licencimit dhe auditimit nga Departamenti i Licencimit i UEFA-s.
Zyrtarët e UEFA-s qëndruan në Prishtinë nga e hëna deri të premten, duke elaboruar në mënyrë të hollësishme dokumentacionin e ofruar nga FFK-ja, për mënyrën e funksionimit të FFK-së.
Kësisoj, ata u ndanë shumë të kënaqur me progresin e bërë nga FFK-ja dhe kanë premtuar vazhdimin e përkrahjes së patjetërsueshme të UEFA-s, për zhvillimin e mëtejmë të FFK-së dhe futbollit kosovar.
Në këtë formë, zyrtarët e UEFA-s kanë konfirmuar vazhdimin e licencimit për FFK-në edhe për vitin vijues, shkruan FFK në faqen zyrtare.