Ugljanin: Në veri do të nisë pagesa e energjisë elektrike për muajin janar, forma do të jetë paushalle

Kryesuesi i Kuvendit Komunal të Mitrovicës së veriut, Nexhat Ugljanin, ka thënë se pagesat e energjisë elektrike në veri të vendit do të nisin për muajin janar deri në muajin prill

Mitrovica e Veriut, foto RFE.

Po ndërmerren hapat e fundit për të filluar pagesën e energjisë elektrike të shpenzuar në veri të Kosovës.

Në katër komunat atje, fillimisht po bëhet regjistrimi i amvisërive për pagesën paushall të rrymës së shpenzuar.

Në fund të prillit pritet të përfundojë instalimi i njehsorëve elektrikë dhe pagesa reale e energjisë së shpenzuar.

Këtyre ditëve në katër komunat në veri të Kosovës fillon regjistrimi i amvisërive. Kjo për pagesën e energjisë së shpenzuar elektrike.

Kryesuesi i Kuvendit Komunal të Mitrovicës së veriut, Nexhat Ugljanin, i ka thënë këtë të martë Radio Dukagjinit se ekipet e Elektrosever këtë punë në këtë komunë, do t’ia fillojnë të enjten, më 22 shkurt.

“Më 22 do t’ia nisim regjistrimet banesore dhe shtëpiake në lagjen e boshnjakëve dhe në tjera lagje që si kanë evidentu ato raste për pagesën paushall që është 20 euro, tani do shkojë procesi për orët që është i obligueshëm Elektroserver. Pagesat do bëhen për muajin e janarit dhe do të zgjatë sigurisht sipas njoftimit deri në prill, sepse Elektroserver ka marrë detyrën që do t’i kryejë instalimin e orëve në pjesën veriore”, ka deklaruar ai për Radio Dukagjinin.

Pagesa paushall do të zgjasë deri në muajin prill, kur duhet të kryhet edhe procesi i instalimit të njehsorëve elektrikë, me të përfunduar regjistrimi i amvisërive.

Nga përfundimi  i luftës në Kosovë e deri në vitin 2017, rrymën për serbët e veriut e kanë paguar qytetarë të pjesëve të tjera të Kosovës.

Nga 2017-ta, për shkak të ankesave të shumta, përgjegjësia për pagesën kaloi te Qeveria e Kosovës.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika