“Uji i Badocit mund të përdoret për pije”, IKSHPK njofton se kanë rënë vlerat e manganit

Bazuar në rezultatet e tri matjeve të kryera në laboratorët e IKSHPK-së, vlerat e manganit në ujin e Liqenit të Badovcit dhe në rrjetin shpërndarës janë brenda standardeve të parapara me Udhëzimin Administrativ nr. 10/2021 për cilësinë e ujit për konsum nga njeriu. Pas këtyre rezultateve, IKSHPK ka shpallur ujin si "HIGJIENIK DHE I SIGURT PËR PIJE" në zonën e furnizimit nga fabrika e Badovcit. Aktiviteti i monitorimit të cilësisë së ujit do të vazhdojë si pjesë e aktiviteteve themelore të IKSHPK-së për mbrojtjen e shëndetit të popullatës

Liqeni i Badocit

Instituti Kombëtar i Shëndetësisë Publike të Kosovës (IKSHPK) ka njoftuar se uji i liqenit të Badocit mund të përdoret për pije.

Në një njoftim, ata kanë bërë me dije se vlerat e manganit në ujin e liqenit dhe në rrjetin shpërndarës në ditët e fundit rezultojnë brenda standardeve të parapara.

“Vlerat e manganit në ujin e liqenit dhe në rrjetin shpërndarës në ditët e fundit rezultojnë brenda standardeve të parapara me Udhëzimin Administrativ nr. 10/2021 ‘Cilësia e Ujit për konsum nga njeriu’. Për t’u shpallur UJI HIGJIENIK DHE I SIGURT PËR PIJE në zonën e furnizimit nga fabrika e Badocit, në laboratoret e IKSHPK-se Laboratori i parametrave bazik ku testohet Mangani si parametër indikues dhe Laboratori analitik-ICPMS ku testohet mangani si metal i rëndë, sipas procedurave standarde janë kryer tri matje të njëpasnjëshme në tri ditët e fundit:

Më datën 17 nëntor:   0.025-0.050 mg/litër

Më datën 18 nëntor:   0.010-0.031 mg/ litër

Më datën 19 nëntor:   0.017-0.037 mg/ litër

Bazuar në rezultatet laboratorike, uji në zonat e furnizuara nga Liqeni i Badocit gjegjësisht – Fabrika në Badovc, i plotëson kriteret të parapara me Udhëzimin Administrativ nr. 10/2021 ‘Cilësia e Ujit për konsum nga njeriu'(vlerat referente të Manganit 50 µg/L (0.05 mg/L).

Nga sot vazhdon monitorimi i rregullt si aktivitet themelor i Qendrës së ujit brenda IKSHPK-së”, thuhet në njoftim.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika