Ukraina është duke ndërtuar struktura fortifikuese, dhe po instalon një gardh betoni të përforcuar në kufirin me Bjellorusinë.

Këtë deklaratë e ka dhënë zëvendësshefi i Zyrës së Presidentit të Ukrainës, Kyrylo Tymosheno, në Telegram.

“Për momentin, njerëzit tanë në jug po i mirëpresin ushtrinë tonë, ndërsa në veri janë duke u zhvilluar punë të tjera. Këtu, ne po ndërtojmë një mur në kufirin me Bjellorusinë. Një hendek, argjinaturë, gardh prej betoni të përforcuar me tela me gjemba – këto janë pengesat inxhinierike që po ndërtohen në Volyn”, ka thënë Timoshenko.

Pamje nga ndërtimi i gardhit prej betoni

Sipas shefit të Zyrës së Presidentit të Ukrainës, tashmë janë përfunduar rreth tri kilometra të zonës kufitare, gjersa punimet e ndërtimit vazhdojnë. Ai ka shtuar se kjo nuk është e gjitha, por detajet e mëtejshme nuk do të zbulohen, raporton ukrinform.