Ukraina e ka quajtur pretendimin rus se qindra ushtarë ukrainas u vranë në një sulm si “propagandë”.
Moska ka pretenduar, pa dhënë asnjë provë, se një “sulm masiv raketor” në qytetin lindor të Kramatorsk kishte vrarë më shumë se 600 forca ukrainase.
Një zëdhënës i ushtrisë ukrainase ka thënë se ishte në hakmarrje për një sulm ukrainas në një bazë ruse që vrau dhjetëra ushtarë rusë në ditën e Vitit të Ri.
Por, ushtria ukrainase thotë se kjo është e pavërtetë. “Kjo është një tjetër pjesë e propagandës ruse”, ka thënë për BBC Serhiy Cherevati, një zëdhënës i ushtrisë ukrainase.
Ministria ruse e mbrojtjes ka thënë se kishte vrarë më shumë se 600 ushtarakë ukrainas në një sulm në ndërtesat që strehojnë përkohësisht forcat ukrainase.
Ukraina ka thënë se rreth 400 njerëz janë vrarë ose janë plagosur në Makiivka, ndërsa numrat në qindra janë dhënë nga nacionalistët rusë në mediat sociale.
Moska ende nuk ka ofruar ndonjë provë për pretendimin e Rusisë se ka vrarë qindra ushtarë ukrainas.
Të shtunën, gazetarët e agjencisë së lajmeve AFP në Kramatorsk, e cila ndodhet në rajonin lindor të Donetsk, kanë dëgjuar të paktën katër shpërthime para mesnatës.
Zyrtarët ukrainas janë shprehur se të paktën një person është vrarë në rajonin e Kharkiv në veri-lindje derisa shpërthimet janë raportuar gjithashtu në qytetet jugore të Zaporizhzhia dhe Melitopol, raporton BBC.