Forcat Ajrore të Ukrainës, më 27 dhjetor, kanë thënë se territori ukrainas është sulmuar gjatë natës nga dronët rusë.
Guvernatori i rajonit të Odesës ka thënë se një 35-vjeçar është vrarë nga mbetjet e një droni të rrëzuar në një zonë banimi.
Ministria e Brendshme ka njoftuar se katër të tjerë, përfshirë një fëmijë 6-vjeçar, janë plagosur.
Këto sulme përfunduan në orët e hershme të mëngjesit të 27 dhjetorit.
Forcat ajrore thanë se dronët u lëshuan nga Gadishulli i Krimesë, i pushtuar nga Rusia, dhe nga rajoni jugperëndimor i Krasnodarit të Rusisë.
Rusia e ka filluar pushtimin e plotë dhe të paprovokuar të Ukrainës në shkurt të vitit 2022. /REL