Ukraina zmbraps 11 sulme në rajonin e Donbasit

Shtabi i Përgjithshëm i Ukrainës, ka bërë të ditur se ushtria ukrainase i ka zmbrapsur rreth 11 sulme ushtrisë ruse në lindje të vendit

Foto: AP

Shtabi i Përgjithshëm i Ukrainës thotë se forcat e vendit arritën disa përfitime në kufirin e rajoneve jugore të Kherson dhe Mykolaiv dhe zmbrapsën sulmet e shumta ruse në lindje.

Në përditësimin e tij të përditshëm të mëngjesit, Shtabi i Përgjithshëm tha se rusët “humbën kontrollin mbi disa vendbanime në kufirin e rajoneve Mykolayiv dhe Kherson”. Forcat ukrainase zmbrapsën gjithashtu 11 sulme në rajonet Donetsk dhe Luhansk, thuhet në përditësimin, raporton AP.

Shtabi i Përgjithshëm tha se, në të njëjtën kohë, luftimet për uzinën Azovstal në Mariupol vazhduan.

Foto: AP

“Me mbështetjen e avionëve, armiku rifilloi ofensivën për të marrë kontrollin e uzinës,” thuhet në përditësim, duke shtuar se trupat ruse “po përpiqeshin të shkatërronin njësitë ukrainase” në këtë rezistencë të fundit të forcave ukrainase në zonat e shkatërruara të qytetit port.

Shtabi i Përgjithshëm vuri në dukje gjithashtu përpjekjet ruse për të nxitur tensionet në rajonin separatist të Transnistrisë në Moldavi, të mbështetur nga Moska, i cili kufizohet me Ukrainën dhe ka një kontigjent paqeruajtës rus. Ushtria ruse “kryen rigrupimin e trupave në zona të caktuara, merr masa për të rimbushur rezervat” dhe “po përpiqet të përmirësojë pozicionin taktik të njësive të saj”.

Shija e redaktorit

Mirush Kabashi – “Ishte i madh, një gjeni dhe yll...

Ikona e artit shqiptar, Mirush Kabashi, ka ndërruar jetë në moshën 75-vjeçare, duke lënë pas një trashëgimi të pasur artistike me mbi 100 role...

Rama: Magjia e festave erdhi

Kryetari i Prishtinës, Përparim Rama, ka hapur Tregun e Fundvitit në qendër të kryeqytetit. Ai ka thënë se në bulevardin "Xhorxh Bush" qytetarët do të...

Mbrojtja e krerëve të UÇK-së triumfon ndaj ZPS-së, Specialja iu...

Trupi Gjykues në Dhomat e Specializuara të Kosovës ka marrë një vendim në lidhje me komunikimet dhe vizitat e krerëve të UÇK-së, respektivisht, Hashim...

Të fundit nga rubrika