Gjatë ditës së diel, në zonën Chasiv Yar në Ukrainën lindore, raketat ruse goditën një ndërtesë banimi.
Shërbimet e Urgjencës në Ukrainë kanë bërë të ditur se 24 trupa janë nxjerrur nga rrënojat në Chasiv Yar, pesë trupa të tjerë janë gjetur, por nuk janë nxjerrë ende, raporton CNN.
Numri i të vdekurve në këtë sulm ka shkuar në 29-të.
Shërbimet e Urgjencës kanë bërë të ditur se puna e tyre për të gjetur njerëzit e tjerë nën rrënoja po vazhdon, ndërsa nëntë persona kanë mbijetuar.
Sulmet me raketa ditët e fundit kanë qenë të mëdha në qytetet e Donetsk-ut, pasi forcat ruse po përpiqen që të mposhtin rezistencën ukrainase në rajon.
Numri i viktimave civile në Chasiv Yar është nga më të lartat në Donetsk deri më tani.