Presidenti ukrainas, Volodymyr Zelenskyy, ka njoftuar që duhet të bëhet një evakuim i detyrueshëm i njerëzve në rajonin Donetsk.
Në fjalimin e tij, Zelenskyy ka thënë se qindra mijëra njerëz të cilët janë ende në zonat luftarake në rajonin më të madh të Donbasit gjithashtu duhej të largoheshin.
Zelenskyy ka thënë se sa më shpejt njerëzit të largohen “aq më pak njerëz ushtria ruse do të ketë kohë për të vrarë”.
“Mbështetje e plotë, ndihmë e plotë – si logjistike ashtu edhe pagesa. Na duhet vetëm një vendim nga vetë njerëzit, të cilët ende nuk e kanë marrë për vete. Shkoni, ne do të ndihmojmë”, ka shtuar ai.
Ndërsa, Zëvendëskryeministrja e Ukrainës Iryna Vereshchuk, ka thënë të se evakuimi duhej të bëhej përpara se të fillonte dimri pasi furnizimet me gaz natyror të rajonit ishin shkatërruar.
Donetsk ditëve të fundit është përballur me luftime të ashpra, raporton Sky News.
Zyrtarët nga Rusia dhe autoritetet separatiste në Donetsk kanë thënë se nga sulmi janë vrarë 53 persona të burgosur lufte ukrainas dhe janë plagosur 75 të tjerë.
Ukraina ka akuzuar Rusinë për granatimin e qëllimshëm të burgut për të mbuluar torturat dhe ekzekutimet atje. Ndëtsa Rusia ka fajësuar Ukrainën për sulmin.