Ish-ambasadori Sylë Ukshini ka vlerësuar se skena politike në Kosovë është përballë një situate jashtëzakonisht të vështirë, duke thënë se partitë politike duhet të bëjnë kompromise për të mirën e vendit.
Duke folur në emisionin FIVE, Ukshini tha se aktualisht nuk po shihet një marrëveshje mes partive.
“Unë mendoj se jemi vërtet në një pozitë jashtëzakonisht të vështirë. Krejt partitë politike duhet të heqin diçka nga egoja e tyre, të japin diçka për të mirën e Kosovës. Sepse unë mendoj që prej pavarësisë së Kosovës nuk ka pasur një sfidë kaq të madhe”, deklaroi Ukshini.
Ai tha se, nëse nuk arrihet një marrëveshje politike, sipas të gjitha gjasave vendi do të shkojë në zgjedhje.
“Nuk shihet se do të ketë marrëveshje, sipas të gjitha gjasave do të shkojmë në zgjedhje”, tha Ukshini.