Kandidati i PDK-së për kryetar të Prishtinës, Uran Ismaili, ka vizituar Rrugën C, ku ka diskutuar me banorët dhe ka identifikuar problemet që vazhdojnë që nga vizita e tij katër vite më parë.
Ai ka theksuar se ndërtimet e vrullshme pa kriter, zgjerimi i paorganizuar i lagjeve pa çerdhe, parqe dhe shërbime bazike, si dhe qentë endacakë, krijojnë një ndjenjë të përditshme ankthi dhe pasigurie për banorët.
“Unë po garoj me projekte konkrete dhe të realizueshme që do t’i trajtojnë problemet menjëherë dhe do ta bëjnë Prishtinën funksionale lagje për lagje. Është koha për një qeverisje ndryshe”, ka shkruar Ismaili në Facebook.