Ushtron dhunë në familje, arrestohet një person në Shtime

Policia e Kosovës ka arrestuar një person në Komunën e Shtimes për dhunë në familje dhe kanosje

Ilustrim

Të dielën e tetë majit një person është arrestuar nga Policia e Kosovës në Pjetërshticë të Shtimes, pasi që i njëjti ka kanosur babanë e tij.

Me anë të një komunikate për media, policia ka njoftuar se rasti ka ndodhur në mbrëmjen e së shtunës, dhe i njëjti rast është cilësuar si “dhunë në familje”.

“Stacioni policor në Shtime nga Drejtoria Rajonale e Policisë në Ferizaj, mbrëmë rreth orës 23:28 ka pranuar një informacion se, në fshatin Pjetërshticë të Shtimes është një rast i dhunës në familje.

Ilustrim

Në lidhje me këtë policia menjëherë i ka marrë veprimet e nevojshme dha ka arrestuar personin me inicialet L.G (M.K) i moshës 32 vjeçar, i cili shkak i një mosmarrëveshjeje për njē veturë, kanos babain e tij me inicialet S.G (M/K) i moshës 61 vjeçar dhe shkakton dëme materiale në garazhin e veturës”, thuhet në njoftimin e policisë.

Sipas njoftimit, i dyshuari është shoqëruar në stacionin policor të Shtimes dhe pas intervistimit nga policët hetues, me vendim të Prokurorit të Prokurorisë Themelore tê Ferizajt është dërguar në mbajtje për 48 orë, për procedura të mëtejme hetimore.

Ndryshe, Policia e Kosovës brenda 24 orëve të fundit, ka raportuar për 25 persona të arrestuar, dhe 15 të dërguar në mbajtje.

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika