Vajzat që ranë nga ndërtesa në Ferizaj janë motra mes vete, Policia: Njëra u mundua ta shpëtonte tjetrën

Një ngjarje tragjike ka ndodhur të shtunën mbrëma në Ferizaj, ku dy vajza njëra 18-vjeçare e tjetra 15, kanë rënë nga kati i katërt i një objekti banesor. Policia ka dhënë detaje të dielën, ku ka treguar se 18-vjeçarja duke u përpjekur ta shpëtonte motrën e saj, ka rënë edhe ajo

Ilustrim

Vajzat që ranë mbrëmë nga kati i katërt i një objekti banesor në Ferizaj janë motra me njëra-tjetrën.

Kështu ka bërë të ditur zëdhënësi i Policisë së Ferizajt, Kanun Veseli, i cili ka treguar se rasti është cilësuar “Vetëvrasje”.

Veseli për Portalin Dukagjini ka shtuar se e ndjera 15-vjeçare kishte tentuar të kërcejë nga ndërtesa, ndërsa më pas vajza tjetër 18-vjeçare kishte bërë përpjekje për ta shpëtuar motrën e saj, dhe si pasojë kanë rënë edhe ajo.

Vajza 18-vjeçare ndodhet në QKUK për trajtim pasi ka pësuar lëndime të rënda trupore.

“Rasti është cilësuar ‘Vetëvrasje. Nga hetimet që janë zhvilluar nga Sektori Rajonal i Hetimeve, mësohet se e ndjera kishte tentuar të kërcej nga ndërtesa, ndërsa në përpjekje për ta shpëtuar motra vet, kanë rënë te dyjat”, ka thënë Veseli për Portalin Dukagjini.

Ndryshe, Policia ka pranuar informacionin të shtunën e 21 janarit rreth orër 21:35, për një ngjarje të tillë.

“Me datën 21.01.2023 rreth orës 21:35, policia rajonale e Ferizajt ka pranuar një informacion se në rrugën ‘Sandër Prosi’ në Ferizaj, dy vajza të moshës 18 dhe 15 vjet kanë rënë nga kati i 4-të i një objekti banesor”, thuhet në njoftim.

“Të njëjtat për ndihmë mjekësore janë dërguar në Qendrën Emeregjente në Ferizaj e më pas për tretman të mëtutjeshëm mjekësor ( nē gjendje tē rëndë shëndetësore) janë dërguar për në QKUK-Prishtinë. Njëra nga të lënduarat Z.M (F/K) e moshës rreth 15 vjeçe për pasojë ka ndërruar jetē, kjo e konfirmuar nga mjekët, ndërsa e lënduar ka mbetur A.M (F/K) e moshës rreth 18-vjecare. Policia Rajonale e Ferizajt, hetuesit dhe krimteknikët rajonal janë në vendin e ngjarjes dhe nën autorizim të prokurorit kujdestar nga Prokuroria Themelore e Ferizajt po e hetojnë rastin”.

Policia ka theksuar se për informata shtesë do të dalë me njoftime të reja.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika