Presidenti Volodymyr Zelensky ka njoftuar se 10 milionë ukrainas janë pa energji pas valës së re të sulmeve me raketa nga Rusia.
Në sulme afro shtatë njerëz janë vrarë.
“Ne po bëjmë gjithçka për të normalizuar furnizimin”, ka thënë Zelensky në një fjalim të enjten në mbrëmje.
Mbrojtja ajrore e Ukrainës arriti të rrëzojë gjashtë raketa lundrimi dhe pesë dronë, ka theksuar ndër të tjera Zelensky.
Vlen të theksohet, se të enjten Rusia e ka goditur Ukrainën me një breshëri raketash, duke goditur kështu më shumë instalime energjetike dhe ndërtesa civile, shkruan BBC.
Ndërsa zyrtarët kanë njoftuar se një fabrikë prodhimi gazi në lindje dhe një fabrikë raketash në Dnipro ishin objektivat e fundit të sulmeve ruse.
Gjersa ka theksuar se ndërprerjet e energjisë më së shumti po i vuan Kryeqyteti i Ukrainës, Kievi.
Zelensky ka akuzuar Rusinë për shkatërrim të furnizimeve të njerëzve me energji dhe ngrohje.
Rusia ka goditur të enjten e 17 nëntorit objektet energjetike të Ukrainës dhe një fabrikë të madhe raketash në një valë të re sulmesh raketore që zyrtarët ukrainas e denoncuan si terrorizëm.
Në javët e fundit, Rusia është përpjekur të synojë infrastrukturën kryesore të energjisë ukrainase, pas një sërë pengesash në fushën e betejës.