Vazhdimi i sulmeve ajrore ruse po sjell shumë civilë të vdekur në Ukrainë

Sulmet ajrore ruse në Ukrainë, gjatë ditëve të fundit, kanë rritur numrin e civilëve të vdekur ukrainas

Fotoilustrim. Foto: Lieber Institute West Point





Numri i civilëve të vdekur në Ukrainë po shtohet, gjersa sulmet me raketa ruse janë duke vazhduar të godasin pikat kryesore të vijës së parë të frontit në Ukrainë.

Zyra presidenciale e Ukrainës ka thënë se gjatë këtyre sulmeve, rusët kanë bombarduar shtatë rajone të Ukrainës, gjatë 24 orëve të fundit, duke vrarë të paktën pesë civilë dhe duke plagosur nëntë të tjerë.

Ndërsa në rajonin lindor të Donetskut, ku luftimet janë duke vazhduar, janë granatuar tetë qytete dhe fshatra.

Në fillim të këtij tetori, Rusia ka intensifikuar sulmet me raketa dhe dron në termocentralet e Ukrainës, duke dëmtuar 40 për qind të sistemit elektrik të Ukrainës. Për këtë çështje, kryetari i bashkisë së Kievit ka thënë se sistemi energjetik i kryeqytetit ukrainas ishte duke funksionuar në “modalitet emergjence”, raporton “euronews”.

Guvernatori i Donetskut, Pavlo Kyrylenko, ka theksuar se në zonat që Ukraina i ka rimarrë, banorët ende po marrin trupat e civilëve të vrarë. “Vetëm gjatë 24 orëve të fundit, në tre qytete dhe fshatra të deokupuara, gjetëm trupa të braktisur të civilëve ukrainas”, u shpreh ai.

Më tej, të dielën e 30 tetorit, ministri i Brendshëm i Ukrainës, Denys Monastyrskiy, tha se forcat ruse ishin duke minuar territoret që lanë pas dy herë më dendur se në muajt e parë të luftës.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika