Dardan Krivaçës dhe Arbër Sejdiut iu është vazhduar paraburgimi deri në maj. Këtë vendim e ka marrë Gjykata Themelore në Ferizaj, pasi që ata janë të dyshuar për vrasjen e 18 vjeçares, Marigona Osmanit, në Ferizaj më 22 gusht 2021.
Sipas Prokurorisë në Ferizaj, dyshohet që më 22 gusht 2021, i pandehuri Dardan Krivaça në mënyrë mizore kishte ushtruar dhunë psikike dhe fizike mbi të ndjerën, Marigona Osmani.
Sipas prokurorisë, gjatë gjithë kohës ishte i pranishëm edhe Arbër Sejdiu, i cili, po ashtu, kishte ushtruar dhunë psikike dhe fizike mbi të ndjerën.
Në seancën e mbajtur në Gjykatën Themelore të Ferizajit, i pandehuri Dardan Krivaça kishte humbur ndjenjat. Pasi mori ndihmën e parë, mjekët konstatuan se Krivaça mund të jetë i pranishëm në seancën gjyqësore.