Kolona të gjata automjetesh vazhdojnë të shihen në pikëkalimin kufitar Bajakovo-Lipovac, në kufirin ndërmjet Kroacisë dhe Serbisë, ku një numër i madh i mërgimtarëve dhe udhëtarëve po përballen me pritje të gjata.
Pamjet nga kamera e kësaj pike kufitare tregojnë radhë të gjata të automjeteve, ndërsa fluksi i madh i udhëtarëve gjatë sezonit turistik veror ka shkaktuar ngarkesë të shtuar në këtë vendkalim.
Më herët gjatë ditës u raportua se shumë mërgimtarë nga Kosova kishin mbetur të bllokuar në këtë pikë kufitare që nga ora 02:00 e mëngjesit, duke pritur për orë të tëra për të vazhduar udhëtimin.
Bajakovo-Lipovac është një nga pikat më të frekuentuara kufitare në rajon, pasi përmes saj kalojnë mijëra udhëtarë nga vendet e Ballkanit drejt Kroacisë dhe vendeve të Evropës Perëndimore.