Numri i madh i bashkatdhetarëve që po vijnë në Kosovë për festat e fundvitit, ka bërë që në pikat kufitare të ketë fluks të madh të automjeteve, duke shkaktuar kështu pritje të gjata.
Pikat kufitare mes Kosovë dhe Serbisë, në të cilat, ka më shumë fluks të madh të veturave, janë Merdari dhe Dheu i Bardhë.
Sipas Qendrës Kombëtare për Menaxhim Kufitar (raporti i orës 07:39), bashkatdhetarët në pikën kufitare në Merdar, janë duke pritur deri në dy orë e 20 minuta për të hyrë në Kosovë, kurse kolona e automjeteve është 900 metra.
Ndërsa, te pika kufitare te Dheu i Bardhë, pritjet janë deri në gjysmë ore dhe kolona e automjeteve është 150 metra.
Po ashtu ,fluks të bashkatdhetarëve ka edhe në pikat tjera kufitare si në Muçibabë dhe në Mutivodë. Në këto dy pikëkalime kufitare pritjet janë nga 10 deri në 30 minuta, kurse kolona e automjeteve arrin deri në 100 metra.
Ndërkaq, dy vendkalimet kufitare me Serbinë në veri të vendit, Jarinjë dhe Bërnjak, janë duke vazhduar të qëndrojnë të mbyllura, si pasojë e barrikadave të vendosura në veri të vendit.
