Gjersa të premten kohëzgjatja e pritjes për të hyrë në Kosovë arrinte kohën prej 5 orësh te pika kufitare e Dheut të Bardhë, të shtunën kjo pritje ka rënë në një orë.
Sipas Qendrës Kombëtare për Menaxhim Kufitar, pritja për të hyrë në Kosovë arrin deri në 60 minuta, ndërsa dalja 5 deri në 10 minuta. Kjo vlen për pikën e Dheut të Bardhë.
Nga ana tjetër, kolona arrin deri në 1000 metra te po kjo pikë.
Në të tjerat pika, pritja arrin deri në 3-5 minuta.
Si jo rrallëherë në sezonën e verës, kolona të gjata karakterizohen në pikat kufitare të Republikës së Kosovës.
Gjatë ditës së premte, pritja arrinte deri në 6 orë, ndërsa kolona deri në 4 mijë metra.