Vazhdon dita e dytë e Forumit për Gratë, Paqen dhe Sigurinë

Dita e dytë e Forumit për Gratë, Paqen dhe Sigurinë vazhdon edhe këtë të martë me pjesëmarrje të gjerë, për të adresuar sfidat dhe mundësitë në ndërtimin e një mjedisi të sigurt dhe të drejtë për gratë në shoqëri

Pamje nga dita e parë e Forumit, foto Zyra e Presidencës, 15 prill 2024.

Nën udhëheqjen e presidentes së Kosovës, Vjosa Osmani, këtë të martë zhvillohet dita e dytë e Forumit për Gratë, Paqen dhe Sigurinë.

Presidentja Osmani do të marrë pjesë në panelin e diskutimeve për të rinjtë, brenda kontekstit të Forumit Ndërkombëtar për Gratë, Paqen dhe Sigurinë.

Në këtë event, kryetari i Kuvendit të Republikës së Kosovës, Glauk Konjufca, gjithashtu do të mbajë një fjalim.

Forumi për Gratë, Paqen dhe Sigurinë mbledh pjesëmarrës nga 40 shtete

Osmani dhe zëvendësdrejtoresha e Zyrës së Sekretarit të Shtetit për Çështjet Globale të Grave, Katrina Fotovat, kanë nënshkruar memorandum të mirëkuptimit për Qendrën e Ekselencës për Gratë, Paqen dhe Sigurinë në Kosovë.

Në ditën e parë të këtij forumit, një videomesazh të veçantë erdhi nga Hillary Clinton, ish-sekretarja e Shtetit të SHBA-së.

Clinton ka vlerësuar rrugëtimin e Kosovës ndër vite për sa i përket barazisë gjinore, veçanërisht përfaqësimit dy herë nga presidentet gra.

Clinton mbështet progresin e arritur në Kosovë

Organizimin e këtij forumi, Clinton e ka cilësuar si vendosmëri për forcim të grave.

Gjithashtu, në Forumin për Gratë, Paqen dhe Sigurinë, presidentja e Republikës së Sllovenisë, Natashaa Pirc Musar, ka theksuar se duhet të ketë ndëshkueshmëri për dhunën seksuale, dhe se shteti i saj dënon fuqishëm të gjitha llojet e dhunës.

Presidentja sllovene: Të punohet për ndëshkimin e kryesve të dhunës seksuale

Në listën e personaliteteve të tjera që marrin pjesë në këtë forum përfshihen Presidentja e Republikës së Sllovenisë, Natasha Pirc Musar; Presidenti i Republikës së Shqipërisë, Bajram Begaj; kryetarja e Kuvendit të Republikës së Shqipërisë, Lindita Nikolla; dhe kryeministri i Republikës së Maqedonisë së Veriut, Talat Xhaferi.

Për këtë ngjarje, policia ka njoftuar se nga 14 e deri më 17 prill do të ketë bllokime të përkohshme apo riorientim në disa segmente rrugore.

Policia e Kosovës, gjatë kësaj kohe do të kujdeset për ofrimin e sigurisë, mirëmbajtjen e rendit e qetësisë publike dhe menaxhimin e trafikut gjatë kohës së lëvizjes së personaliteteve, si dhe qëndrimit të tyre në Republikën e Kosovës.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika