Të premten e 4 nëntorit duke filluar nga ora 08:30 në Kuvendin e Kosovës vazhdojnë punimet e Takimit të Nëntë të Komisionit Parlamentar për Stabilizim-Asociim, BE – Kosovë.

Në këtë pjesë të takimit temë e diskutimit do të jetë dialogu i lehtësuar nga BE-ja ndërmjet Kosovës dhe Serbisë dhe bashkëpunimi rajonal.

Pikat e rendit të ditës,

Dialogu i lehtësuar nga BE-ja ndërmjet Prishtinës dhe Beogradit, bashkëpunimi rajonal,

Miratimi i rekomandimeve,

Çështje të tjera,

Data dhe vendi i mbledhjes së radhës të KPSA-së​.

Ndërsa, të enjten është diskutuar për progresin e arritur në reformat që lidhen me integrimin në BE.

Po ashtu, tema të diskutimit kanë qenë edhe të drejtat themelore me fokus te komunitetet joshumicë, të drejtat e grave dhe dhuna ndaj tyre, sundimi i ligjit, lufta kundër korrupsionit dhe krimit të organizuar, shoqëria civile dhe mediat, kriza energjetike, kujdesi shëndetësor dhe mjedisi.