Ministri i Punëve të Brendshme të Kosovës, Xhelal Sevçla, ka shkruar një tekst të ndjenjshëm për të shprehur pikëllimin e tij për humbjen e zyrtarit policor Rexhep Sejdiu.

Sejdiu ndërroi jetë gjatë kohës që ishte në detyrë në Stacionin e Njësisë së Ndërhyrjes së Shpejtë të Kufirit në Jarinje.

Më tej, ministri Sevçla e ka përshkruar Sejdiun si një zyrtar të përkushtuar e të palodhur, i cili ishte angazhuar në luftën kundër çdo lloj kriminaliteti, veçanërisht në veriun e vendit.

“Rexhep Sejdiun do ta kujtojmë si zyrtar të përkushtuar e të palodhur, të angazhuar në luftë kundër çdo kriminaliteti veçanërisht viteve të fundit në veriun e vendit tonë si pjesëtar i Njësisë së Ndërhyrjes së Shpejtë të kufirit. Bashkë me kolegët e tij, Rexhepi para një viti i rezistoi me qëndrueshmëri bllokimit 19 ditor në Jarinje pasi kishin arrestuar ish-zyrtarin policor Dejan Pantic”, ka shkruar Sveçla.

“Zyrtari policor Rexhep Sejdiu do të mbetet përherë në mendjet e të gjithë neve që kishim fatin ta takonim gjithnjë në nivel të detyrës e kolegëve që punuan e shërbyen çdo ditë bashkë me të”, ka thënë ai.

Ministri Sevçla shpreh ngushëllimet e tij më të sinqerta familjes së tij, duke përfshirë nënën, bashkëshorten dhe fëmijët e tij. Ai gjithashtu i ka shprehur solidaritetin e tij me kolegët e Policisë së Kosovës për këtë humbje të rëndë.

“Shpreh ngushëllimet e mia më të sinqerta familjes së tij, nënës, bashkëshortes e fëmijëve të tij. Të gjithë kolegëve e Policisë së Kosovës për humbjen e pjesëtarit të tyre”, ka shkruar ministri i Punëve të Brendshme.