Të dielën e 15 janarit në mbrëmje, është gjetur një person i moshës madhore pa shenja jete, afër lumit Sitncia, në fshatin Kçiq të Mitrovicës.

“Rreth orës 16:50,  është raportuar se në fshatin Kçiq të Mitrovicës, afër lumit Sitnica, është gjetur pa shenja jete një person i moshës madhore”.

“Hetuesit policorë me autorizim të prokurorit kanë nisur hetimet për identifikimin e viktimës dhe  zbardhjen e  rrethanave të rastit”, ka konfirmuar zëdhënësi i Policisë së Kosovës për Rajonin e Mitrovicës, Avni Zahiti për Dukagjinin.com.

Zëdhënësi i Policisë së Kosovës për Rajonin e Mitrovicës ka përfunduar duke thënë se me urdhër të prokurorit trupi i pajetë i viktimës është dërguar për obduksion në Qendrën Klinike Universitare të Kosovës.