Të shtunën e 30 prillit, pas një sëmundjeje të gjatë, në moshën 54-vjeçare, ka ndërruar jetë, agjenti i shumë lojtarëve, Mino Raiola.
Vdekjen e Raiola-s e ka konfirmuar familja e tij.
Prej kohësh, agjenti ishte duke u përballur me një sëmundje. Gjersa ishte duke u trajtuar në Milano, për të ishin bërë disa raportime në muajt e fundit për vdekjen e tij.
Pas shumë postimeve që ishin bërë nga ai, duke e treguar gjendjen aktuale të tij, tashmë familjarët e tij përmes një postimi në Twitter, kanë informuar vdekjen e Mino Raiola-s.
“Mino luftoi deri në fund me të njëjtën forcë, që vendosi në tavolinat e negociatave për të mbrojtur lojtarët tanë”, kanë informuar familjarët.
— Mino Raiola (@MinoRaiola) April 30, 2022
Raiola zejen e agjentit sportiv e ka ushtruar për më shumë se dy dekada, duke qenë shefi i shumë futbollistëve të njohur.
54-vjeçari ishte në drejtimin e emrave si Zlatan Ibrahimovic, Erling Braut Haaland, Mario Balotelli, Matthijs De Ligt e shumë të tjerë.
Së fundmi, ai ishte më shumë në punë për Haaland, i cili, aktualisht, është emri më i kërkuar nga lojtarët, nën agjensinë e Raiola-s.
Varrimi i Raiola-s do të bëhet në vendlindjen e tij, në Nociera Inferiore të Italisë.