Aktori dhe regjisori i njohur shqiptar, Enver Petrovci, ka ndërruar jetë.
Për vdekjen e tij kanë njoftuar nga Teatri Kombëtar i Kosovës.
Petrovci lindi më 28 shkurt 1954 në Prishtinë.
Studimet e para i kreu në Shkollën e Lartë Pedagogjike në Prishtinë, në degën e aktrimit, ndërsa më pas përfundoi Fakultetin e Arteve Dramatike në Universitetin e Beogradit.
Ai ishte njëri nga themeluesit dhe profesorët e parë të degës së Artit Dramatik në Fakultetin e Arteve të Universitetit të Prishtinës, duke lënë një trashëgimi të çmuar në teatrin dhe kinematografinë shqiptare.