Një burrë ka humbur jetën pasi është goditur të dielën nga një veturë në fshatin Bresje të Fushë-Kosovës.
Sipas informacioneve të publikuara nga raporti i Policisë për 24 orët e fundit, viktima ka ndërruar jetë të hënën në QKUK, pasi nuk ka mundur t’u mbijetojë lëndimeve.
Autoritetet kanë reaguar menjëherë, ndërsa prokurori ka vendosur që trupi i pajetë i viktimës të dërgohet në Institutin e Mjekësisë Ligjore (IML) për të kryer një proces obduksioni.
“Fsh. Bresje, Fushë Kosovë 10.12.2023 – 17:42. Lidhur me rastin raportohet se me 11.12.2023, viktima mashkull kosovar/këmbësor, i cili ishte duke u trajtuar në QKUK për shkak të lëndimeve, ka ndërruar jetë. Me vendim të prokurorit, trupi i pajetë i viktimës është dërguar në IML për obduksion”, thuhet ne njoftimin e Policisë.
Sipas njoftimit të Policisë, rasti është duke u hetuar.