Skena muzikore shqiptare është tronditur këtë të mërkurë nga lajmi i ndarjes nga jeta të këngëtarit të njohur, Shpat Kasapi.
Mediat maqedonase raportojnë se artisti ka ndërruar jetë si pasojë e një ataku kardiak, duke lënë pas pikëllim të thellë tek familja, kolegët dhe mijëra adhurues që e kanë ndjekur gjatë dy dekadave të karrierës së tij.
I lindur më 1 maj 1985 në Tetovë, Kasapi u rrit në një familje me traditë muzikore, diçka që e orientoi herët drejt artit. Karrierën e nisi në fillim të viteve 2000, kohë kur me stilin e tij modern, meloditë e lehta dhe performancat plot energji, arriti të bëhej një prej idhujve të rinisë shqiptare.
Shpat Kasapi u afirmua fillimisht në tregun kosovar e më pas në atë shqiptar, duke sjellë një sërë këngësh që shpejt u kthyen në hite. “A më do?”, “Valle Kosovare”, “Dashni pa limit”, “Aroma e saj” dhe shumë të tjera mbeten këngë që vazhdojnë të dëgjohen edhe sot.