Raportot thonë se kryetari i korporatës ruse të naftës “Lukoil”, Ravil Maganov, ka vdekur pasi ka rënë nga dritarja e një spitali në Moskë. Korporata ka konfirmua vdekjen e tij, por ka thënë se Maganov, 67-vjeçar “ka ndërruar jetë pas një sëmundjeje të rëndë”.
Maganov është i fundit nga një numër drejtuesish biznesi të profilit të lartë që vdes në rrethana misterioze.
Autoritetet hetuese kanë thënë se po punonin në vendngjarje për të përcaktuar se si Maganov ka vdekur. Agjencia e lajmeve Tass ka cituar burime që thanë se ai kishte rënë nga dritarja e katit të gjashtë, duke shtuar më vonë se ai kishte vrarë veten, raporton BBC.
Menjëherë pasi Rusia pushtoi Ukrainën, bordi i “Lukoil” ka bërë thirrje që konflikti të përfundojë sa më shpejt të jetë e mundur, duke shprehur simpatinë e tij për viktimat e “kësaj tragjedie”.
“Lukoil” është kompania më e madhe private në Rusi. Në deklaratën e kompanisë thuhet se ishte për shkak të talentit menaxherial të Maganov që ishte evoluar në një nga firmat më të mëdha të energjisë në botë.