Vdes në moshën 82-vjeçare presidenti i Namibisë, Geingob

Ka vdekur në moshën 82 vjeçare, presidenti i Namibisë, Hage Geingob, i cili ishte diagnostikuar me kancer

Presidenti i Namibisë, Hage Geingob, ka vdekur derisa po merrte një trajtim mjekësor në një spital në kryeqendër, Windhoek.

Siç raporton “BBC”, zëvendëspresidenti i Namibisë, Nangolo Mbumba, ka njoftuar se Geingob ka ndërruar jetë në orët e hershme të së dielës.

“Përkrah tij ishte bashkëshortja e tij e dashur Monica Geingos dhe fëmijët e tij”, ka thënë Mbumba.

Lideri 82-vjeçar ishte diagnostikuar me kancer dhe njoftoi publikun për diagnozën muajin e kaluar. Në njoftimin e zyrës së tij u tha se ai do të udhëtonte në SHBA për trajtim, por se do të kthehej në Namibi më dy shkurt.

Geingob u bë president i Namibisë në vitin 2015 dhe po shërbente mandatin e tij të dytë dhe të fundit në këtë post.

Ai i ishte nënshtruar një operimi në aortë vitin e kaluar dhe në vitin 2014 kishte treguar se i kishte mbijetuar nga kanceri i prostatës.

Namibia është paraparë të mbajë zgjedhje parlamentare dhe presidenciale në nëntor.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika